हिमगंगामा एक दिने निःशुल्क पशु स्वास्थ्य शिविर सम्पन्न
फाइल फोटो
१४ कातिक, रामेछाप । रामेछापको रामेछाप नगरपालिका वडा नं ४ हिमगंगामा एक दिने निःशुल्क पशु स्वास्थ्य शिविर संचालन् भएको छ ।
शनिबार भेटेरीनरी अस्पताल तथा पशु सेवा विज्ञ केन्द्र सिन्धुलीको आयोजन तथा रामेछाप नगरपालिकाको सहआयोजनामा एक दिने पशु स्वास्थ्य शिविर सम्पन्न भएको वडा सचिव अशोक सुनुवारले रामेछाप टाइम्सलाई जानकारी दिए ।
उनका अनुसार शिविरमा गाई, भैँसी,बाख्रा,बोका, कुखुरालाई विभिन्न रोगको औषधि वितरण गरिएको थियो । साथै रोगी पशुहरुलाई प्राविधिक उपचार गरिएको उनले बताए ।
शिविर वडा कार्यालयको परिसरमा भएको थियो ।