दोलखाका साथीलाई खुकुरी हानेर भागेका रामेछापका शनिले प्रहरीमाथि पनि आक्रमण गरे, प्रहरीको अस्पताल भर्ना
सांकेतिक तस्विर
१० पुष, रामेछाप । काठमाण्डौमा आफ्नै साथीलाई खुकरी हान्ने रामेछापका एक जनालाई प्रहरीले पक्राउ गरेको छ । पक्राउ पर्नेमा रामेछापको लिखु तामाकोशी गाउँपालिका घए भएका शनि तामाङ हुन् ।
उनले तार्केश्वर नगरपालिका वडा नम्बर ८ शेषमती लामबजार नजिक सामान्य विषयमा विवाद हुँदा दोलखाका सुवास तामाङलाई खुकुरी हानेर भागेका थिए ।
साथिलाई खुकुरी हानेर भगेका तामाङ्लाई पक्राउ गर्न खोज्दा उनले प्रहरी प्रभाग धर्मस्थलीका प्रहरी नायब निरीक्षक पदम अवस्थीलाई समेत आक्रमण गरेका छन् ।
शनिको आक्रमणबाट घाइते भएका प्रहरी नायब निरीक्षक अवस्थी र खुकुरी हान्ने तामाङ दुबैको वीर अस्पतालमा उपचार भइरहेको प्रहरीले जनाएको छ ।
घाइते प्रहरी अवस्थीको टाउकोमा पाँच वटा टाँँका लगाइएको प्रहरीले जनाएको छ ।