२८ फागुन,रामेछाप । नेपाली कांग्रेस गोकुलगंगा गाउँपालिका वडा नं १ मा एमाले र एकिकृत समाजवादी पार्टी परित्याग गर्दै ११ जना कांग्रेस प्रवेश गरेका छन् । 

१० जना एमालेबाट र एक जना एकिकृत समाजवादी पार्टीबाट कांग्रेस प्रवेश गरेको पालिका सभापति मणीकुमार लामाले रामेछाप टाइम्सलाई जानकारी दिए।

उनका अनुसार साविकको चुचुरे गावीस वडा नं ३ चाकेमा टोल कमिटी गठनको अवसरमा उनीहरु कांग्रेस भित्रिएका हुन् । 

साथै खगेन्द्रबहादुर कार्कीको सभापतित्वमा टोल कमिटीसमेत गठन् भएको छ । कार्कीको सभापतित्वमा २१ सदस्यीय टोल कमिटी गठन् गरेको उनले बताए । 

पछिल्लो समय गोकुलगंगामा कांग्रेसले टोल कमिटी गठनलाई तिब्र पारेको उनको भनाई छ ।