मन्थली नगर जितेपछि एमालेको बिजयी जुलुस् यस्तो देखियो (भिडिओसहित)
५ जेठ, रामेछाप । रामेछापको सदरमुकाम मन्थली नगरपालिका प्रमुख र उपप्रमुखमा एमालेका उम्मेद्वार बिजयी भएपछि आज बिहिबार बिजयी र्याली निकालिएको छ । गत वैशाख ३० गते भएको मतदानमा एमालेका उम्मेद्वारले नेपाली कांग्रेसका उम्मेद्वारलाई हराउदै नेकपा एमालेका उम्मेद्वार लव श्रेष्ठ प्रमुखमा र उपप्रमुखमा ईश्वरी बस्नेत बिजयी भएका हुन् ।
उनीहरुले कांग्रेसका उम्मेद्वार बिनोद् कार्की प्रमुखमा र यशोदा श्रेष्ठलाई उपप्रमुखमा हराएका हुन् । बिजयी भएका श्रेष्ठले ९ हजार ७ सय १८ मत पाएका छन्, भने उपप्रमुखमा बिजयी बस्नेतले ९ हजार १ सय १६ मत पाएर बिजयी भएकी हुन् ।
कांग्रेसका उम्मेद्वार कार्कीले ९ हजार १ सय २२ मत पाएका छन् । उनी श्रेष्ठसंग प्रमखमा ५ सय ९६ मतान्तरले पराजित भएका हुन् । प्रमुखमा बिजेता श्रेष्ठ एमाले प्रदेश कमिटी सदस्य हुन् भने पराजित भएका कार्की कांग्रेस जिल्ला पार्टी सचिव हुन् ।
त्यस्तै उपप्रमुखमा कांग्रेसकी उम्मेद्वार श्रेष्ठले ९ हजार ५४ मत प्राप्त गरिन् । उनले एमालेकी उम्मेद्वार बस्नेतसंग झिनो मतान्तरमा पराजित भएकी हुन् । कांग्रेसकी उम्मेद्वार श्रेष्ठ एमालेकी उम्मेद्वार बस्नेतसंग ६२ मतान्तरले पराजित भइन् ।
मन्थलीमा एमालेले प्रमुख,उपप्रमुखसहित ६ वटा वडामा बिजय हाँसिल गरेको छ । भने नेपाली कांग्रेसले ६ वटा, नेकपा माओवादी केन्द्र र एकिकृत समाजवादी पार्टीले १(१ वडा जितेका छन् ।
गत निर्वाचनमा पनि एमालेले जितेको नगरपालिकामा १४ वटा वडा छन् । बेजयी भएपछि पञ्चेबाजासहितको बिजयी जुलुसले मन्थली बजार परिक्रमा गरेको थियो ।
देवकोट चोकमा कोण सभामा परिनत भएको सभालाई सम्बोधन गर्दै नवनिर्वाचित नगरप्रमुख श्रेष्ठले मन्थलीको विकास र समृद्धिको यात्रा सुरु भएको बताए । उनले १४ वटै वडालाई समेटेर योजना बनाएको भन्दै ति योजनामा आधारित काम गर्ने बताए ।
कोणसभापाई एमालेका जिल्ला ईन्चार्ज कैलाश ढुङ्गेलसहित पार्टीका नेता, निर्वाचित वडा अध्यक्षहरुले सम्बोधन गरेका थिए ।
यी हुन मन्थली नगरपालिकाका निर्वाचित वडाअध्यक्षहरुः
- रामहरि पौडेल, वडाअध्यक्ष, मन्थली नगरपालिका–१ मन्थली (कांग्रेस)
- सुरेन्द्र कार्की, वडाअध्यक्ष, मन्थली नगरपालिका–२ मन्थली (एमाले)
- कृष्ण गोपाल थापा, वडाअध्यक्ष, मन्थली नगरपालिका–३ (एमाले)
- राजन घिमिरे, वडाअध्यक्ष, मन्थली नगरपालिका–४ (कांग्रेस)
- रविन कार्की (नविन), वडाअध्यक्ष, मन्थली नगरपालिका–५ (नेकपा एकीकृत समाजवादी)
- अशोक कुमार तामाङ (कांग्रेस)
- भुवनहरि प्रसाई (कांग्रेस)
- गोपाल श्रेष्ठ (एमाले)
- गोकर्णराज आराण (एमाले)
- गोपिलाल तामाङ (एमाले)
- भिमबहादुर थापामगर, वडाअध्यक्ष, मन्थली नगरपालिका–११ (माओवादी)
- खिलेन्द्र खत्री, वडाध्यक्ष, मन्थली नगरपालिका–१२ गेलु (कांग्रेस)
- नवराज थापामगर, वडाअध्यक्ष, मन्थली नगरपालिका–१३ ( एमाले)
- मोतीलाल तामाङ, वडाअध्यक्ष, मन्थली नगरपालिका–१४ फुलासी (एमाले)
