७ जेठ, रामेछाप । रामेछापमा स्थानीय तहको निर्वाचन सम्पन्न भएको छ । शुक्रबार आठ वटै स्थानीय तहको प्रमुख उपप्रमुखको टुङ्ग्याउदै ६४ वटा वडाको मत परिणाम सार्वजनिक भएसंगै जिल्लाका सबै स्थानीय तहले नयाँ नेतृत्व पाएको हो । 

सम्पन्न निर्वाचनमा नेपाली कांग्रेसले ३ पालिका प्रमुख एवं अध्यक्ष, ४ उपप्रमुख, उपाध्यक्ष र २४ वटा वडा जित्तै पहिलो पार्टी बनेको छ ।  

त्यस्तै नेकपा एमाले ३ प्रमुख, अध्यक्ष, ३ उपप्रमुख, उपाध्यक्ष र २४ वटा वडामा जित्दै दोस्रो ठूलो पार्टी भएको छ ।

माओवादी केन्द्रले २ प्रमुख, अध्यक्ष, १ उपप्रमु्ख, उपाध्यक्ष १५ वटा वडा जित्तै तेस्रो पार्टी भएको छ ।  त्यस्तै एकिकृत समाजवादी पार्टीले एक वडा जितेको छ ।

निर्वाचित जनप्रतिनिधिले सबैले सपथ समेत खाइसकेका छन् । केहीले शुक्रबारै पदभार समेत ग्रहण गरेका छन् भने केहीले शनिबार र आइतबार भएका कारण सोमबार पदभार ग्रहण गर्दै छन् । सरकारले जेठ १ गतेदेखि आइतबार पनि बिदा दिन थालेको छ । 

जिल्लामा १६ जना प्रमुख र उपप्रमुख निर्वाचित हुँदा एक जना पालिका प्रमुख र एक जना उपप्रमुख बाहेक सबै नयाँ अनुहार आएका छन् । 

यसरी दोहोरिनेमा उमाकुण्ड गाउँपालिकाका अध्यक्ष शेरबहादुर सुनुवार र उपाध्यक्षमा सुनापति गाउँपालिकाकी गीता बिष्ट छन् । उनीहरु गत ०७४ को निर्वाचनमा पनि निर्वाचित् भएर ५ वर्ष काम गरिसकेका छन् । सुनुवार एमाले निकट हुने भने बिष्ट माओवादी निकट हुन् । 

निर्वाचित भएका अन्य १४ जना भने सबै पहिलो पटक स्थानीय तहको जिम्मेवारीमा पुगेका हुन् । 

निवर्तमान बनेका जनप्रतिनिधिले ५ वर्षको अबधिभर जनअपेक्षित काम गर्न नसकेको भन्दै जनप्रतिनिधि प्रति नागरिकको असन्तुष्टि मात्रै देखिन्छ । नयाँ आएका अनुहारले कस्तो काम गर्छ र अहिले जनप्रतिनिधि प्रतिदेखिएको भ्रमलाई चिर्न सक्छन सक्दैनन् त्यो हेर्न बाँकि छ । 

निर्वाचित भएका प्रमुख उपप्रमुखहरुले आफूलाई जिताउन सहयोग गरेको भन्दै सबैमा धन्यवाद् ब्यक्त गरेका छन् । 

यी हुन् रामेछापका आठ वटै स्थानीय तहका निर्वाचित प्रमुख, उपप्रमुखहरु 

तथ्याङ्क स्रोतः जिल्ला निर्वाचन कार्यालय रामेछाप,