लिखु तामाकोशी गाउँपालिकाले निःशूल्क लोक सेवा तयारी कक्षा संचालन गर्ने (सूचनासहित)
१८ जेठ, रामेछाप । रामेछापको लिखु तामाकोशी गाउँपालिकाले निःशूल्क लोक सेवा तयारी कक्षा संचालन गर्ने भएको छ ।
पालिकाको वार्षिक कार्यक्रम अन्तर्गत पालिकाका युवाहरुलाई सरकारी सेवातर्फ आकर्षित गर्ने उद्देश्यले यही जेठ २४ गतेदेखि सहायक पाँचौं÷सहयाक चौथो तहको कक्षा संचालन गर्ने निमित्त प्रमुख प्रशासकिय अधिकृत नवीन कुमार साहले रामेछाप टाइम्सलाई जानकारी दिए ।
उनका अनुसार कम्तिमा ३५ जना पुग्ने गरि गाउँपालिकाका स्थानीयहरुको लागि १ जना महिला, १ जना आदिवासी, जनजाति, मधेसी र दलित १ जना र आर्थिक रुपले विपन्न परिवारलाई लक्षित गरेर कक्षा संचान हुन लागेको हो ।
उनले भने ‘खानेबस्ने सुविधा आफैले गर्नु पर्छ, पालिकाले कक्षा संचालन गर्छ, किताब दिन्छ, नोट दिन्छौं । कहाँ पढाउने भन्ने विषयमा आवेदन आएपछि निर्णय हुन्छ ।’
सूचना हेर्नुहोस्