गुम्देलमा पहिरोले बाख्राको खोर बगायो, २ वटा बाख्रा मरे, २ घाइते
सांकेतिक तस्विर ।
१८ असार, रामेछाप । निरन्तरको वर्षाले जिल्लाको उमाकुण्ड गाउँपालिकामा ठूलो क्षेती पुर्याएको छ ।
अबिरल वर्षाका कारण त्यहाँको केही बस्ती जोखिममा परेका छन् भने सयौं रोपनी खेतीयोग्य जनिम पहिरोले पुरेको छ ।
जसअनुसार पालिकाको वडा नं १ गुम्देलमा एउटा बाख्राको खोर पहिरोले पुरेको छ भने दुई वटा बाख्रा पनि पहिरोमा परी परेको छ ।
वडा नं १ गुम्देलको बालदिङका रमेश भुजेलको घर देखी ३०÷४० मिटर रहेको बाख्रा गोठमा माथिबाट पहिरो आएर गोठ बगाउदा गोठमा रहेका ४ वटा बाख्रा मध्ये २ वटा मरेका हुन् । २ वटा घाइते भएका छन् । घर नजिकैको बाख्राको खोर पहिरोले बगाएपछि घर पनि पहिरोको जोखिममा परेको छ।
घटना स्थालमा प्रहरीसहितको टोलीले निरिक्षण गरि मुचुल्का उठाएको जिल्ला प्रहरी कार्यालय रामेछापले जनाएको छ ।