बिजुलीकोट्मा चट्याङ् लागेर श्रीमानको ज्यान गयो, श्रीमती घाइते, विद्युत पूर्ण अबरुद्ध
०३ साउन, रामेछाप । रामेछापको लिखु तामाकोशी गाउँपालिकामा चट्याङ् लागेर श्रीमानको ज्यान गएको छ भने श्रीमती सामान्य घाइते भएकी छन् ।
पालिकाको वडा नं ४ बिजुलीकोट्को कल्लेरी भन्ने स्थानमा आइतबार परेको अबिरल बर्षासंगैको चट्याङ् लागेर अन्दाजी ५५ वर्षी श्रीमान दिलबहादुर गाहा मगरको ज्यान गएको स्थानीय बिष्णु बिश्वकर्माले रामेछाप टाइम्सलाई जानकारी दिए ।
उनका अनुसार गाहा मगरकी अन्दाजी ५० वर्षीय श्रीमती धनमाया गाहा मगर घाइते भएकी छन् । घरमै बसीरहेको अवस्थामा परेको चट्याङ् लाग्दा गाहा मगरको घटना स्थलमै ज्यान गएको हो । उनको मन्थली अस्पतालमा ल्याएर पौष्टमाटम गरि दाहासंस्कार गरिएको छ ।
साथै सोही चट्याङ्ले उक्त वडामा विद्युत् पूर्ण रुपले अबरुद्ध भएको छ । विद्युत् हालसम्म पनि अबरुद्धै रहेको विश्वकर्माले बताए ।
विद्युतको अर्थिङ् नहुदाँ त्यहाँ बेलाबेलामा चट्याङ्ले दुःख दिरहेको उनले गुनासो गरे ।