कोरोना महामारीका बावजुत् उत्घाटन गरियो फुलासी वडा कार्यालय (फोटोफिचर)
२२ वैशाख, मन्थली । रामेछापको मन्थली नगरपालिकाको वडा नं १४ फुलासीमा नवनिर्मित वडा कार्यालय भवन र पोखरी आधारभुत स्वास्थ्य संस्था उद्घाटन गरिएको छ ।
कोरोना महमारीका बाबजुत् बुधबार नगरप्रमुख रमेश कुमार बस्नेतले सिमित मानिसहरुको उपस्थितिमा वडा कार्यालय उत्घाटन तथा हस्तान्तरण गरेका हुन् ।
स्वास्थ्य सुरक्षाका मापदण्ड पालना गर्दै वडा कार्यालयमा एक औपचारीक उपस्थितिकाबीच वडा कार्यालय हस्तान्नतरण गरिएको नगरपालिकाका सव इन्जिनियर तथा उत्घाटन कार्यक्रममा सहभागी होम खड्काले रामेछाप टाइम्सलाई जानकारी दिए । उनका अनुसार बुधबारदेखि नै नवनिर्मित भवन संचालनमा आएको छ ।
१ करोड २० लाख लागतमा बनेको वडा कार्यालय भवन भुकम्प प्रतिरोधी र सुविधा सम्पन्न रहेको नगरपालिकाका प्रमुख प्रशासकिय अधिकृत लिलाराल पौडेलले रामेछाप टाइम्सलाई बताए ।
त्यस्तै स्वास्थ्य केन्द्रको २६ लाख रुपैयाँ भ्याट सहित निर्माण सम्पन्न गरिएको इन्जिनियर खड्काले रामेछाप टाइम्सलाई बताए ।
बी एण्ड सी कन्ट्रक्सनले निर्माणको जिम्मा पाएको वडाकार्यालय भवन कोरोना महामारीको चुनौतीको बाबजुत संचालनमा आएसंगै वडाबाट हुने सेवा प्रवाहमा सहज्ता आउने भएको छ ।
त्यस्तै स्वास्थ्य कार्यालय शंकर निर्माण सेवाले निर्माण गरेको थियो ।
स्वास्थ्य केन्द्र संचालनामा आएसंगै कोरोनाको महामारीमा झेल्दै आइएको समस्यामा थप बल पुगेको छ ।
फोटो होम खड्काबाट प्राप्त