दर्शकले जिल्ला समन्वय समिति रामेछापको मैदान भरी भरिभराउ: पूर्व मन्त्री ढकालले भने ‘आगामी दिनमा गेम गर्दा यसरी नदेखी-नदेखी हेर्नु पर्ने बाध्यता नहोस्’
७ माघ, रामेछाप । नेकपा एमालेका नेता एवं पूर्व स्वास्थ्य मन्त्री भानुभक्त ढकालले रामेछापमा सुविधा सम्पन्न एउटा खेल मैदान आवश्यक रहेको बताएका छन् ।
उनले भने ‘खेल प्रेमी दर्शकहरू यसरी उभिएर खेल हेर्न आउनु भएको छ । आगामी दिनमा यसरी गेम गर्दा खेरी टाडाटाडाबाट नदेखिने गरी हेर्नु पर्ने बाध्यता हटोस् । यहाँका स्थानीय तहले ध्यान दिनु पर्ने देखे । राम्रो खेल मैदान बनाउनु आवश्यक रहेछ । त्यता ध्यान दिनु होला ।’
उनले यसको लागि आफूले पहल गर्ने उनले आश्वासन सहितको प्रतिबद्धता जनाए ।
नेकपा एमाले निकट बागमती प्रदेश कमिटीले रामेछापको मन्थलीमा आयोजना गरेको तीन दिने भलिबल खेल समापन कार्यक्रमलाई सम्बोधन गर्दै नेता ढकालले यस्तो बताएका हुन् ।
रामेछाप र चितवनबिचको खेल हेर्न शनिवार जिल्ला समन्वय समिति रामेछापको पछाडि भरिभराउ भएपछि ढकालले यस्तो औँल्याएका हुन् ।
उनले खेल र राजनीतिको भविष्य वाणी गर्ने विषय नरहेको उल्लेख गर्दै एमालेले राष्ट्रिय स्तरमा अन्य धेरै खेल खेलाउन लागेको जानकारी गराए ।
