जबरजस्ती करणी मुद्दामा व्यवसायी कठायतले पाए जिल्ला अदालत रामेछापबाट पूर्ण सफाइ
३० फागुन, रामेछाप । आफ्नै भतिजी बुहारीमाथि जबरजस्ती करणी गरेको मुद्दामा जिल्ला अदालत रामेछापले व्यवसायी पवन कठायतलाई सफाइ दिएको छ ।
सोमवार न्यायाधीश इन्दिरा शर्माको एकल इजलासले दाबी नपुगेको भन्दै कठाएतलाई पूर्णसफाई दिइएको जिल्ला अदालत रामेछापका श्रेस्तेदार रामप्रसाद पौडेलले रामेछाप टाइम्सलाई बताए । ‘जबरजस्ती करणी मुद्दामा उहाँले सफाइ पाउनु भएको हो । के–के दाबी पुगेन भन्ने विषयमा पूर्णपाठमा आउँछ ।’
आफ्नै भतिजी बुहारी बिनु यादवलाई पटक–पटक जबरजस्ती करणी गरेको भन्दै बुहारी यादवले कठायतबिरुद्ध मुद्दा दर्ता गरेकी थिइन् ।
सो मुद्दामा सदरमुकाम मन्थलीमा व्यवसाय गर्दै आएका व्यवसायी कठायतलाई गत भदौ १ गते जिल्ला प्रहरी कार्यालय नजिकैबाट पक्राउ परेका थिए । साथै उनी सोही मुद्दामा पुर्पक्षको लागि जेल चलान भएका थिए । पछि उनी दुई लाख धरौटीमा रिहा भएका थिए ।
कठायतलाई सफाइ दिएपछि मुद्दा दर्ता गर्ने यादव सहितका आफूहरुलाई महिला अधिकारकर्मी दाबी गर्ने एक समूहले साँझ जिल्ला अदालत परिसरमा आक्रोश सहित नाराबजी गरेका थिए । साथै न्याधिशले पैसामा बिकेर मुद्दा फैसला गरेको भन्दै जिल्ला अदातलमा आगो लगाइदिने जस्ता धम्किपूर्ण भाषा प्रयोग गर्दै आक्रोश व्यक्त गरे ।
सम्बन्धित समाचार
आफ्नै भतिजी बुहारीमाथि जबर्जस्ती करणी गरेकाे आराेपमा कठेत पुर्पक्षका लागि जेल चलान्
आफ्नै बुहारीमाथि पटक-पटक जबरजस्ति करणी गरेको आरोपमा कठेत पक्राउ
भतिजी बुहारीमाथि जबरजस्ती करणी प्रकरणः आरोपी कठेत धरौटीमा छुट्दै, पीडित भनिएकी यादवले गरिन् हातपात