पकरवासमा होम आइसोलेसनमा बसेकी एक महिलाको कोरोना संक्रमणबाट निधन
२२ जेठ, रामेछाप । रामेछाप जिल्लामा कोरोना भाइरस संक्रमणका कारण ज्यान गुमाउनेको संख्या ११ जना पुगेको छ ।
आज थप एक जनाको कोरोना संक्रमित निधन भएसंगै जिल्लामा कोरोना संक्रमणका कारण ज्यान गुमाउनेको संख्या ११ पुगेको स्रोतले जनाएको छ । आज एक जना होम आइसोलेसनमा बसेका संक्रमितको ज्यान गएको जिल्ला अस्पताल रामेछापले विज्ञप्ति मार्फत जनाएको छ ।
ज्यान गुमाउनेमा खाँडादेवी गाउँपालिका ४ कि ९० वर्षिय महिला छिन् । उनको आज बिहान ६ ः ३० बजे निधन भएको विज्ञप्तिमा उल्लेख छ ।
उनलाई शुक्रबार एन्टिजेन्ट विधिमार्फत गरिएको परिक्षणमा कोरोना पुष्टि भै होम आइसोलेसनमा बसेका थिए ।
आज सम्ममा ४० जना संस्थागत र ५ सय १४ जना होम आइसोलेसनमा बसेको विज्ञप्तिमा उल्लेख छ ।
त्यस्तै ९ जना आईसियूमा उपचाररत रहेको उल्लेख छ ।
जिल्लामा संक्रिय संक्रमितको संख्या ५ सय ६३ जना पुगेको छ । भने एक हजार ७ जना निकोभएर डिस्चार्ज भएका छन् ।