मन्थली सोलमारी नजिकै घाइते अवस्थामा भेटिएको चितुवा मर्यो
१० जेठ, रामेछाप । मन्थली नगरपालिका वडा नं १ सोलमारी नजिकै चितुवा मरेको छ । बुधवार बिहान सोलमारी नजिकैको करिब ७ फिट लामो भाले चितुवा घाइते अवस्थामा भेटिएपछि स्थानीयले सम्बन्धित निकायलाई खबर गरेका थिए ।
त्यसपछि डिभिजन प्रमुख, जिल्ला प्रहरी कार्यालय, पत्रकार महासंघ र स्थानीय सहितको टोलीले गम्भीर घाइते अवस्थामा फेला पारेको चितुवा केही छिन पछि मरेको छ । सोही टोलीले नजिकै खाल्डो खनेर गाडेको स्थानीय भुवन बस्नेतले रामेछाप टाइम्सलाई जानकारी दिए ।
दुई चितुवा जुधेको र कमजोर सो चितुवा गम्भीर घाइते भएको आशङ्का गरिएको छ ।
