गोकुलगंगा अस्पताललाई १५ थान बेड, ब्लाङ्केट, सहितको स्वास्थ्य सामाग्री (फोटोफिचर)
२७ जेठ, रामेछाप । रामेछापको गोकुलगंगा गाउँपालिकालाई स्वास्थ्य सामाग्री प्राप्त भएको छ ।
बेताली (रामेछाप) सम्पर्क समाज काठमाडौंले पालिका मार्फत गोकुलगंगा अस्पताललाई स्वास्थ्य सामाग्री सहयोग गरेको पालिका उपाध्यक्ष राधिका श्रेष्ठले जानकारी दिइन् ।
उनका अनुसार १५ थान वेड् सेट, ओड्ने कपडा ९ब्लाङ्केट् १५ वटा, अक्सिमिटर एक थान, फाइबर सिरक सिरानी सहित १० थान, निबुलाईजर स्टिमर १५ थान, ग्लुकोमिटर एक थान र ५ हजार नगद सहयोग प्राप्त भएको हो ।
कोरोना महामरीसंग लडिरहेको गोकुलगंगा अस्पतालका लागि स्वास्थ्य सामग्रीहरु प्राप्त भएसंगै उपचारको लागि थप सहयोग पुगेको अस्पतालले जनाएको छ ।
यसअघि पनि पालिका मार्फत अस्पताललाई अक्सिजन सिलिण्डर सामाग्री गत जेठ २४ गते काठमाडौं बसुन्धारा चक्रपथ स्थित सामाग्रीको फयाक्ट्रीको गेटमा पालिका उपध्यक्ष राधिकार श्रेष्ठ नेवार र वडा नं ३ का वडा अध्यक्ष नर बिक्रम कार्कीलाई हस्तान्तरण गरेको बताइएको छ ।