१२ भदौ, रामेछाप । खाँडादेवी गाउँपालिका अध्यक्ष ज्ञानकुमार श्रेष्ठले जातीय र धार्मिक द्वन्द्व छोडेर समाजमा मिलेर बस्न र विकास निर्माणमा लाग्ने सबैलाई अपिल गरेका छन् । पछिल्लो समय देशका विभिन्न जिल्लाहरूमा जाति र धार्मिक द्वन्द्व सम्बन्धी बहस चलिरहेको बेला पालिका अध्यक्ष श्रेष्ठले यस्तो धारणा व्यक्त गरेका हुन् । 

मंगलबार बिहान सामाजिक सञ्जालमा अध्यक्ष श्रेष्ठले ‘विभिन्न जातजाति भाषा भाषी धर्मावलम्बी एक आपसमा सद्भाव पूर्ण सदियौँदेखि मिलेर बस्दै आएका छौँ’ लेखेका छन् ।  

नेपालीहरूको बिचमा फुट पैदा गरेर विदेशीले लाभ लिन खोजेको उल्लेख गर्दै अध्यक्ष श्रेष्ठ लेख्छन् ‘विदेशीले नेपालीलाई अर्कालाई अपमान हुने कार्यहरू गर्न उत्साहित गरेको रहेका छन् । यी कार्य कदापि सही काम हुन सक्दैन ’

त्यसैले सबै नागरिकहरू आपसमा मिलेर रहनु र मिलेर मुलुक निर्माण गर्न जुट्नु हामी सबैको कर्तव्य र धर्म हो नेकपा एमालेका नेता समेत रहेका श्रेष्ठले भनेका छन् ।