आमा ‘म’ जानपर्छ
वेदनाका आँसु झारेर
मलाई कमजोर नबनाउनु
किनकि म जानपर्छ
जस्तो की
उज्यालो हुन रात जानपर्छ
समय हुन समय जानपर्छ
बुझ्नु.......
म करले हैन कर्तव्यले जानपर्छ
जस्तो की
सागर भेट्न नदी जानपर्छ
युद्धमा सैनिक जानपर्छ
मलाइ नरोक्नु..........
म केही गर्न जानपर्छ
जस्तो कि
युद्ध गर्न रणोभुमिमा जानपर्छ
तपस्या गर्न तपोभुमिमा जानपर्छ
म केही देख्न जानपर्छ
कहाँ यहाँ मात्र हो र संसार ?
म संसार हेर्न संसारमा जानपर्छ
म बद्लिएर
फेरि बद्लिन जानपर्छ
म गएर नआउन जानपर्छ
म खाली हात गएर,
कसैलाई खाली हात नपठाउन जानपर्छ
यी हातहरूले संसार सजाउन जानपर्छ
सोच्नु त,,,,
कहाँ सबै सधैँ रहन्छ र...
म एक क्षण भएर
सधैँ हुन जानपर्छ
म एक भएर
सबै हुन जानपर्छ
त्यहाँ म नभैइ हुँदैन
त्यो गर्न म नगैइ हुँदैन
हेर्नू त.........
म जे लिएर आएको थिए
त्यही लिएर जाँदै छु
म जे आएको थिए
म जस्तो आएको थिए
म जसरी आएको थिए
र अब म
त्यस्तै जाँदै छु
त्यसरी नै जाँदै छु
हेर्नू त........
म जानपर्छ
जस्तो कि
फलाम हतियार हुन आगोमा जानपर्छ
बीज बिरुवा हुन माटोमा जानपर्छ
त्यस्तै कि
म दौडन मैदानमा जानपर्छ
म उड्न हावामा जानपर्छ
म पौडन पानीमा जानपर्छ
त्यस्तै ‘म’ ‘म’ हुन
आमा ‘म’ जानपर्छ
