रामेछापको खाँडादेवी–२ का निर्वाचित वडा सदस्य बुढाथोकीले गरे आत्महत्या
मृत भेटिएका बुढाथोकी ।
१४ माघ, रामेछाप । रामेछापको खाँडादेवी गाउँपालिका वडा नं २ मजुवा चुल्ठेपानीका निर्वाचित वडा सदस्यले विष सेवन गरेर आत्महत्या गरेका छन् ।
गएको स्थानीय तहको निर्वाचनमा नेकपा (एमाले) बाट निर्वाचित वडा सदस्य सानो काजी बुढाथोकीले आइतबार अपराह्न ४ ः ३० बजेको समयमा विष सेवन गरेर ज्यान लिएका हुन् ।
५९ वर्षीय बुढाथोकी आफ्नै भैँसी र बाख्रा गोठमा मृत अवस्थामा भेटिएको घटना स्थलबाट उनका भतिज एवं श्री आवि फन्जाङका शिक्षक मनोज बुढाथोकीले रामेछाप टाइम्सलाई बताए ।
साँझ ७ : ३५ बजे रामेछाप टाइम्ससंग कुराकानी गर्दै ‘अहिले प्रहरीले मुचुल्क उठाउने काम भइरहेको छ, उहाँले सेवन गरेको विषाधि समेत भेटिएको छ ।’
घटना बारे प्रहरीले अनुसन्धान गरी रहेको छ ।
