जिल्ला प्रहरी कार्यालय नजिकैको जनक श्रेष्ठको घरमा आगोलागि, कति भयो क्षति ? (भिडिओ)
![](https://ramechhap-times.prixacdn.net/media/gallery_folder/aagolagi_t984iEl32W.jpg)
१७ फागुन, रामेछाप । बुधवार साँझ मन्थली बजार छेउ प्रहरी कार्यालय नजिक एक घरमा भीषण आगो लागेको छ । आगो सशस्त्र प्रहरी, नेपाल प्रहरी, मन्थली नगरपालिकाको दमकल र स्थानीयहरूको सहयोगमा करिब डेढ घण्टामा नियन्त्रणमा लिएको छ ।
बुधवार साँझ राति करिब ८ बजे सल्किएको आगो जनक श्रेष्ठको कच्ची घरमा लागेको हो । आगोलागिबाट कुनै मानवीय क्षति नभए पनि घर लगबग पूर्ण रूपमा जलेको छ ।
आगो के कारणले लागेको र क्षति कति भयो भन्ने राति भएकाले स्पष्ट हुन नसकेको जिल्ला प्रहरी कार्यालय रामेछापका प्रहरी प्रमुख प्रहरी नायव उपरीक्षक होमबहादुर पराजुलीले बताए । त्यसबारेमा बिहीबार थप अनुसन्धान गरिने उनको भनाई छ ।
मन्थली स्थित नेपाल विद्युत् वितरण केन्द्रको कार्यालय तल्लो पट्टिको घरमा आगोलागेपछि आगो नियन्त्रणमा लिउन जेल आसपासका क्षेत्रमा बिजुली सेवा समेत अवरुद्ध भएको थियो ।