११ वैशाख, रामेछाप । रामेछापको उमाकुण्ड गाउँपालिका वडा नं १ गुम्देल स्थित निर्माणाधीन दुगड हाइड्रोपावर (लिखु–१) को ड्याममा डुबेर वडा नं २ बाम्तिभण्डारका एक पुरुषको ज्यान गएको छ । 

ज्यान गुमाउनेमा सोही पालिकाको वडा नं २ बाम्तिभण्डार स्थिति राङदङ भन्ने स्थानका ६६ वर्षीय कृष्णबहादुर भुजेल रहेको जिल्ला प्रहरी कार्यालय रामेछापले रामेछाप टाइम्सलाई बताएको छ । 

उनी गत आइतबार घरबाट निस्केको बुझिएको छ । त्यसपछि कसैको सम्पर्कमा नआएका भुजेलको खोजी गर्ने क्रममा हाइड्रोपावरको ड्याममा मृत भेटिएको रामेछाप प्रहरीले जनाएको छ । 

मृत भेटिएका उनको शव पोष्मार्टम गर्नको लागि दोलखाको जिरी स्थित जिरी अस्पतालमा पठाइएको रामेछाप प्रहरीको भनाई छ ।