११ वैशाख, रामेछाप । मन्थली अस्पतालमा एक जना गर्भवती महिलाको मृत्यु भएको छ । सुत्केरी बेथा लागेर ढिला गरी अस्पताल ल्याइएको खाँडादेवी गाउँपालिका  वडा नं ७ थान्सिङ घर भएकी महिलाको ज्यान गएको हो । 

थान्सिङ्की ३३ वर्षीय कुमारी मगरको सुत्केरी हुन नसक्दा ज्यान गएको मन्थली अस्पतालका डा.समीर क्षेत्रीले रामेछाप टाइम्सलाई बताए । 

‘हामी कहाँ १ ः ३६ मिनेटमा ल्याउनु भएको थियो । २ ः ५० बजे डेथ भयो । उहाँको अक्सिजनको मात्र कम थियो । मलाई लाग्छ पेटको पानी फोक्सोमा गएको हुनसक्छ । बच्चाको धड्कन पनि कम थियो’ थप प्रस्ट पार्दै डा.क्षेत्रीले रामेछाप टाइम्ससंग भने ‘हामीले सिपिआर गर्‍यौँ । बच्चालाई बचाउने प्रयास गर्‍यौ । यहाँ सम्भव नभएपछि हेली मगाउने तयारी पनि गर्‍यौ । तर, बचाउन सकेनौँ ।’ 

बिहान देखि सुत्केरी बेथा लागेकी मगर श्रीमान्, एक महिला सहित अस्पतालमा आएकी थिइन् । उनको निधन भएपछि शव अहिले मन्थली अस्पतालमै राखिएको जिल्ला प्रहरी कार्यालय रामेछापले जनाएको छ ।