१२ असोज,रामेछाप । निरन्तरको वर्षाले रामेछापलाई ठुलो क्षति पुर्‍याएको छ । सुनकोशी कोशीले मन्थली खुर्कोट जोड्ने मुख्य सडकको पक्की पुल बगाएको हो ।

मन्थली नगरपालिका वडा नं ६ भलुवाजोरको सेलाघाट स्थित मन्थली नगरपालिकाले बगाएको स्वागत गेटछेउमा बाढी आएपछि सेलेघाट तर्फको पक्की पुलमाथिबाट सुनकोशी बगी पुल बगाएको हो । साथै स्वागत गेट समेत बगाएको छ । 

केही दिनयताको निरन्तरको भीषण वर्षाले बिपी राजमार्गसहित तराईका जिल्ला र काठमाडौँ ओहोर-दोहोर गर्ने छोटो मार्ग सुनकोशीले बताउँदा रामेछापलाई ठुलो क्षति पुगेको छ । साथै निरन्तर वर्षा जारी रहेकाले सचेत रहन सबैमा आग्रह गरिएको छ । 

मन्थलीमा समेत तामाकोशी बढ्दै जाँदा आकाशे तर्फ केही स्थानमा केही घरहरू डुबान भएको छ । यद्दयपी मानवीय क्षति भने हाल सम्म भएको छैन ।