१७ कात्तिक, रामेछाप । रामेछापको गुप्तेश्वरमा यात्रु वाहक बस दुर्घटना हुँदा दुई जना गम्भीर घाइते भएका छन् । घाइते एक महिला र पुरुषलाई काठमाडौं लैजाने तयारी भइरहेको छ । 

शनिवार बिहान (आज) ४ ः ३० बजेको समयमा उमाकुण्ड गाउँपालिका–६ गुप्तेश्वरबाट काठमाडौँ जान लागेको अरनिको यातायात समितिको बा ५ ख २८६ नम्बरको बस ब्रेक फेल भएर बसपार्कबाट करिब २०० मिटर तल झर्दा बस चालकसहित दुई जना गम्भीर घाइते भएको इलाका प्रहरी कार्यालय प्रीतिले जनाएको हो । 

दुर्घटनामा लिखु तामाकोसी गाउँपालिका–१ दुरागाउँका केवल सुनुवार र उमाकुण्ड गाउँपालिका गुप्तेश्वरकै फुल कुमारी सुनुवार घाइते भएको हुन् । गम्भीर घाइते दुवै जनालाई हेलिकप्टर मार्फत काठमाडौँ पठाउन लागिएको बस काउन्टरका रामबहादुर तामाङले बताए  । 

हेलिकप्टर मगाइएको वडा सदस्य धनमाया तामाङले बताइन् ।