५ फागुन, रामेछाप । रामेछापको उमाकुण्ड गाउँपालिका वडा नं ५ प्रितिमा विद्युतको तार सर्ट भएर घरमा आगो सल्किएको छ । आगोलागिबाट ठुलो क्षति हुनबाट स्थानीयहरूले बचाएका छन् । 

आज सोमबार दिउँसो घरमा विद्युतको तार सर्ट भएर स्थानीय पदम माया तामाङको घरमा लागेको आगोबाट घर भित्रका लत्ता कपडा र केही सामानहरू जल्ने बित्तिकै थाहा पाएकाले पूर्ण रूपमा नियन्त्रणमा लिइएको जिल्ला प्रहरी कार्यालय रामेछापले जनाएको हो । ‘हामीले तत्कालै नियन्त्रणमा लिएकाले ठुलो क्षति हुन पाएन ।’ 

हिउँद एवं सुख्खा याम लागेसँगै जिल्लाका विभिन्न ठाउँमा आगोलागिको जोखिम बढेको छ । विगतका वर्षाहरूमा रामेछापमा एकै पटक चार दर्जन भन्दा बढी स्थानहरूमा आगो लागेको थियो । 

सुख्खा ग्रस्त रामेछापमा आगलागी एवं डढेलोको उच्च जोखिम रहेको भन्दै भोलि मंगलबार डिभिजन वन कार्यालय रामेछापले मन्थलीमा जिल्लाका सबै स्थानीय तहका जनप्रतिनिधि सम्मेलित ‘विशेष’ कार्यक्रम गर्न लागेको बुझिएको छ ।