एमाले निकट भूतपूर्व सैनिक तथा प्रहरी संगठन रामेछापको अध्यक्षमा बुढाथोकी
६ फागुन, रामेछाप । नेकपा (एमाले) निकट नेपाल राष्ट्रिय भूतपूर्व सैनिक तथा प्रहरी संगठन रामेछापको अध्यक्षमा यमबहादुर बुढाथोकी चयन भएका छन् ।
उक्त सङ्गठनको मंगलबार सम्पन्न दोस्रो अधिवेशनले बुढाथोकीको अध्यक्षतामा ७ सदस्य जिल्ला कार्यसमिति चयन भएको नेकपा (एमाले) रामेछापले जनाएको हो ।
सङ्गठनको उपाध्यक्ष रामबहादुर बरुवाल र मविन श्रेष्ठ, सचिवमा शुक्र मगर, उप–सचिवमा लालबहादुर भण्डारी, कोषाध्यक्षमा मथुरा कार्की निर्विरोध निर्वाचित भएका हुन् ।
त्यस्तै, काजी अधिकारी, मानबहादुर क्षेत्री, मिङमार दोर्जे लामा (शेर्पा), नेत्रबहादुर कार्की, श्याम कुमार थापा, सुकदेब कार्की, कनक बहादुर कार्की लगायत सदस्यमा निर्वाचित भएको नेकपा एमाले रामेछापका उपाध्यक्ष होतराज ढकालले जानकारी दिए ।
