२१ चैत, रामेछाप । रामेछापको उमाकुण्ड गाउँपालिका वडा नं २ बाम्तिभण्डारमा रहेको बाम्ती अस्पतालमा भएको पाँच दिने निःशुल्क स्वास्थ्य शिविरमा चार सय ५० जना बढीले सेवा लिएका छन् । 

उमाकुण्ड गाउँपालिका र वडा कार्यालयको समन्वय र जर्मन र स्विजल्याडका विशेषज्ञ डाक्टर आग्नेस लगायतको आयोजनामा सञ्चालित निःशुल्क दन्त शिविरमा चार सय ८९ जना बिरामीहरूले निःशुल्क सेवा लिएको बाम्ति अस्तपालाकी प्रमुख निलम कार्कीले रामेछाप टाइम्सलाइ जानकारी दिइन । उनका अनुसार दाँत सम्बन्धित सम्पूर्ण समस्याहरूको स्वदेशी तथा विदेशी चिकित्साहरूले उपचार गरेको हुन । 

पालिकाकी उपप्रमुख सावित्री सुनुवार, बाम्तिका वडा अध्यक्ष खम्बधोवज बस्नेत र पालिकाको स्वास्थ्य शाखा प्रमुख अविजित सुनुवारसहितको उपस्थितिमा शिविर संचालन भएको थियो । 

गाउँपालिकाको वडा नं १,२,३ सँगै सोलुखुम्बुको लिखु पिके गाउँपालिकाका स्थानीयहरू समेत निःशुल्क दन्त शिविरमा सेवा लिन आएका अस्पतालकी प्रमुख कार्कीले जानकारी दिइन् ।

लामो समय देखि दाँतको विभिन्न समस्यामा रहेका बिरामीहरूलाई दुर्गम क्षेत्रको रूपमा परिचित त्यहाँ निःशुल्क दन्त शिविर सेवा सञ्चालन हुँदा निकै लाभदायक भएको स्थानीयहरूले बताएका छन् ।