गायक प्रकाश कटुवाल १८ महिना पछि थुना मुक्त
१० भदौ,रामेछाप । लोक दोहोरी गायक प्रकाश कटुवाल रिहा भएका छन् । उनी गत २०७६ साल फागुन ३० पुर्पक्षका लागि थुनामा पठाइएका थिए ।
होटल व्यवसायीमाथि आक्रमण गरेको आरोप लागेका लोकदोहोरी गायक कटुवाललाई जिल्ला अदालत तनहुँले पुर्पक्षका लागि थुनामा राख्न आदेश दिएको थियो ।
२०७६ साल फागुन २ गते बेलुका कटुवालसहित दुई जनाले होटल डाँफे डुम्रेका सञ्चालक लालकाजी गुरुङमाथि आक्रमण गरेको आरोप लागेको थियो व्यवसायी गुरुङकी छोरी सोनिकाले फागुन ५ मा ज्यान मार्ने उद्योगमा किटानी जाहेरी दिएपछि प्रकाउ परेका कटुवाल बिहिबार थुनामुक्त भएको कलाकार विवश बस्नेतले रामेछाप टाइम्सलाई जानकारी दिए ।
१८ महिनादेखि थुनामा रहेका गायक कटुवाललाई बिहिबार जिल्ला अदालत लम्जुङ्ले निर्दोष साबित् गरेको गायक बिवसले रामेछाप टाइम्सलाई भने ।
उनका अनुसार गायक कटुवाल आज लम्जुङमै बस्ने र भोली काठमाडौं आउने बताएका छन् ।
रामेछापको कुँबुकास्थली घर भएका कटुवाल लोक दोहोरी कलाकारमा चिरपरिचित् नाम हो ।