तिल्पुङ्मा छहरामा पहिरो खस्दा मन्थली- खिम्ती सडक पूर्ण रुपमा अबरुद्धः पहिरो पन्छाउन कम्तिमा ४ घण्टा लाग्ने
१३ भदौ,रामेछाप । मन्थली- खिम्ती सडक अबरुद्ध भएको छ ।
लिखु तामाकोशी गाउँपालिका ७ तिल्पुङ्गको छहरामा पहिरो खस्दा सडक पूर्णरुपमा अबरुद्ध भएको जिल्ला प्रहरी कार्यालय रामेछापका सूचना अधिकारी श्रीशकर श्रेष्ठले रामेछाप टाइम्सलाई जानकारी दिए ।
निरन्तरको वर्षाले केही समय अगाडी पहिरो खसेको ठाउँमा पुःन आज पहिरो खस्दा सडक पूर्ण रुपमा अबरुद्ध भएको हो ।
पहिरो खसेसंगै मन्थली तर्फ ७ वटा मालवाहक ट्रक र खिम्ती तर्फ केही ठूला सवारी साधन र मोटरसाईकल रोकिएको सूचना अधिकारी श्रेष्ठले रामेछाप टाइम्सलाई जानकारी दिए ।
उनले भने 'खिम्ती तर्फ बस, मोटरसाईकलहरु खिम्ती ट्राफिक प्रहरीले रोकेको छ । मन्थली तर्फबाट गएका ७ वटा ट्रक रोकिएका छन् ।'
पानी परिरहेकाले खसेको पहिरो पन्छाउन केही समस्या देखिएको छ । जेसिबी पठाउने तयारी हुदै छ । जेसिबी पठाएर पहिरो हटाउन सुरु गरेपनि कम्तिमा ४ घण्टा समय लाग्ने देखिएको छ ।
सडक अबरुद्ध भएसंगै मन्थली-दोलखा सडक अबरुद्ध भएको छ ।
त्यस्तै जिल्लाकै उमाकुण्ड, गोकुलगंगा र लिखु तामाकोशी गाउँपालिकाबाट आउने सवारी रोकिने भएका छन् ।