रेडक्रसको स्थापना दिवसमा रासमद्वरा रक्तदान
१९ भदौ,रामेछाप । नेपाल रेडक्रस सोसाइटीको ५९ औं स्थापना दिवसको अवसरमा रामेछापमा रक्तदान संकलन कार्यक्रम गरिएको छ ।
शनिबार नेपाल रेडक्रस सोसाइटी जिल्ला शाखा रामेछापको प्राविधिक सहयोग तथा रामेछाप सहयोगी मन (रासम) को आयोजनामा रेडक्रसको स्थापना दिवसको अवसर पारेर रक्तदान कार्यक्रम गरिएको हो । जसमा कूल दुई महिला सहित ३५ जनाले रक्तदान गरेको रेडक्रसका कोषाध्यक्ष दिनेश कार्कीले रामेछाप टाइम्सलाई जानकारी दिए ।
उनले भने “दुई महिला सहित ३५ जनाले रक्तदान गरेका छन् । ३५ पाउण्ड रगत संकलन भएको छ । सबै रगत जिल्लामै खपत हुदैन् । बाहिरी जिल्लाहरुमा रगत पठाइन्छ ।”
उनका अनुसार जिल्लामा मासिक रुपमा करिब ३५ पाउण्डको हाराहारिमा रगत खपत् हुदै आएको छ ।
रेड्क्रस आफैमा सहयोगी संस्था भएको र रगत अभावमै कसैले ज्यान गुमाउन नपरोस् भन्ने उदेश्ले रक्तादान कार्यक्रम गरेको रासमले जनाएको छ ।
रासमले आयोजना गरेको रक्तदानमा मन्थली नगरपालिका वडा नं १ का वडा अध्यक्ष नारायणदास श्रेष्ठ, जिल्ला ट्राफिक प्रहरी प्रमुखसहितले रक्तदान गरेका छन् ।