आज ७ औं संविधान दिवसः रामेछापमा मैत्रीपूर्ण फुटबल खेल हुदै
३ असोज,रामेछाप । आज नेपालको ७ औं संविधान दिवस । देशैभरि विभिन्न कार्यक्रम आयोजना गरि मनाईदै छ । दिवसको अवसरमा राष्ट्रपति विद्यादेवी भण्डारी र प्रधानमन्त्री शेरबहादुर देउवासहित देशका शिर्ष तहमा रहेका सबैले शुभकामान प्रदान गरेका छन् । यसै अवसरमा रामेछापमा मैत्रीपूर्ण फुटबल खेल आयोजना गरिएको छ ।
रामेछाप जिल्ला फुटबल संघ रामेछापको आयोजना र वातावरण परियोजना रामेछापको सहयोगमा आज संविधानको सम्मानका लागि फुटबल खेल आयोजना गरेको शनिबार साँझ पत्रकार सम्मेलन आयोजना गरि जानकारी दिएको छ ।
खेलमा चार टिमको सहभागिता हुने आयोजकले जनाएको छ । जसमा कर्मचारी मिलन केन्द्र रामेछाप, नेपाल पत्रकार महासंघ रामेछाप, उधोग वाणिज्य संघ रामेछाप र गैरसरकारी महासंघ रामेछापको सहभागिता रहने बताइएको छ ।
खेल बिहान ८ बजेदेखि आकाशे खेल मैदानमा हुने संघका अध्यक्ष सुन्दर घिमिरेले जानकारी दिए ।
उनका अनुसार खेलमा प्रथम र द्वतिय हुनेलाई पुरस्कारको व्यवस्था गरिएको अध्यक्ष घिमिरेले बताए ।