कांग्रेस अधिवेशनः १३ सय ८८ मत खस्याे, १० बजेदेखि मतगणना सुरु हुने
मतगणना हुने स्थान मन्थली रामेछाप तस्विर मिलन घिमिरे
१७ असाेज, रामेछाप । नेपाली कांग्रेस रामेछापको मतदान सम्पन्न भएको छ । १४ सय १३ जना मतदाता रहेकाे जिल्लामा कूल १३ सय ८८ मत खसेकाे जिल्लामा निर्वाचनमा खटिएका प्रमुख बिष्णु लुइँटेलले रामेछाप टाइम्सलाई बताए ।
उनका अनुसार १० बजे रातिबाट मतगणना सुरु हुनेछ । पहिले सभापतिकाेबाट मत गणना गर्ने तयारी छ । १० बजेबाट मत गणना गर्छै लुइँटेलले भने ।
शनिबारदेखि सुरु भएको कांग्रेस रामेछापको अधिवेशन शनिबार ६६८ मत खसेपछि मतदान स्थलमा ढुङ्गा हानेकाे निहुमा स्थगित भएको थियो ।
आइतबार बिहान प्रमुख जिल्ला अधिकार दिपककुमार पहाडीसहितकाे जिल्ला समन्वय समितिमा बैठक बसि पुःन आइतबार बिहान ९ बजेदेखि मतदान भएको थियाे ।
आइतबार करिब ८ :३० बजे मतदान सम्पन्न भएको हाे ।
अब शिक्षक संघ रामेछापकाे भवनमा मतगणना हुने लुइँटेलले बताए ।
शान्तिपूर्ण रुपमा मतदान भएको अधिकृत लुइँटेलले बताए ।
