एकिकृत समाजवादी रामेछापले महिलालाई प्राथामिकता दिदैः गोठगाउँमा तुलमायाँ बनिन् वडा कमिटी अध्यक्ष
फाइल फोटो
५ कातिक,रामेछाप । एकिकृत समाजवादी पार्टी (एस) गोठगाउँको अध्यक्षमा तुलमायाँ श्रेष्ठ चयन भएकी छन् ।
जिल्लामा हाल सम्म गठन भएको पार्टीको वडा अध्यक्षमा पहिलो पकट महिलालाई नेतृत्व दिएको हो । तुलमायाँको नेतृत्वमा रामेछाप नगरपालिका वडा नं १ गोठगाउँमा २१ सदस्यि वडा कमिटी गठन गरेको जिल्ला अध्यक्ष रमेश बस्नेतले रामेछाप टाइम्सलाई जानकारी दिए ।
उनका अनुसार हाल सम्म मन्थली नगरपालिकाको ३ वटा, रामेछाप नगरपालिकाको एक, लिखु तामाकोशी गाउँपालिकाको एक र खाँडादेवी गाउँपालिकाको एक वडाको नेतृत्व टुङ्गो लागेको छ ।
जसमा मन्थली नगरपालिकाको वडा नं १४, १३, १०,रामेछाप नगरपालिकाको वडा नं १, लिखु तामाकोशी गाउँपालिकाको वडा नं ७ मा समिति गठन गरिएको हो । भने खाँडादेवी गाउँपालिकाको वडा नं ३ मझुवामा समितिले पुर्णता पाएको छ ।