जबरजस्ति करणी र शरिर बन्दक मुद्दामा लिखु तामाकोशी गाउँपालिका प्रमुख खड्काले पाए जिल्ला अदालतबाट सफाई
फाइल फोटो
९ कातिक,रामेछाप । रामेछापको लिखु तामाकोशी गाउँपालिका अध्यक्ष गोबिन्द बहादुर खड्कामाथि लागेका दुई वटा मुद्दामा खड्काले सफाइ पाएका छन् ।
शरिर बन्दक तथा अपहरण गरेको र जबरजस्ती करणी (बलत्कार केश) मुद्दामा उनले जिल्ला अदालत रामेछापबाट आज मंगलबार सफाई पाएको श्रेस्तेदार रामप्रसाद पौडेलले रामेछाप टाइम्सलाई जानकारी दिए ।
उनका अनुसार गत २०७७ भदौं २२ गते जिल्ला अदालतमा मुद्दा दर्ता भएको थियो । सोही आरोपमा खड्कालाई जिल्ला प्रहरी कार्यालय रामेछापले पक्राउ गरि पूर्पक्षको लागि थुनामा पठाएको थियो । पछि उच्च अदातलले थुनामुक्त गरेको थियो ।
‘दुईवटा मुद्दामा गोबिन्द खड्काले सफाई पाएका छन्, आजै फैसला भएको हो श्रेस्तेदार पौडेलले रामेछाप टाइम्ससंग भने ।’
स्रोतका अनुसार खड्का माथि अब ठगी मुद्दा भने बिचारधिन् रहेको छ।