९ कातिक, रामेछाप । दोरम्बा शैलुङ् पालिकाको एमाले अध्यक्षमा प्रेमबहादुर लामा सर्वसहमतिमा चयन भएका छन् । 

मंगलबार आठवटै स्थानीय तहमा भैरेहेको पालिका अधिवेशन अन्तर्गत भएको पालिका अधिवेशनमा सो पालिकाको अध्यक्षमा लामा चयन भएको एमाले रामेछापका सचिव आनन्द श्रेष्ठले रामेछाप टाइम्सलाई जानकारी दिए । 

उनका अनुसार पार्टीको पालिका उपाध्यक्षमा सन्तोष गौतम, सचिवमा देउबहादुर थापामगरलाई जिम्मेवारी दिएको छ । 

त्यस्तै सह सचिवमा नारायण श्रेष्ठ र बिष्णु लामा चयन भएका छन् । 

१० औं महाधिवेशन अन्तर्गत भैरहेको पालिका अधिवेशन अन्तर्गत दोरम्बा शैलुङ्मा ७५ सदस्यीय समिति गठन भएको हो ।