घरको ढोका फोरेर चोरी गरि ११ वर्षदेखि फरार सुकाजोरका श्याम कुमार खड्का पक्राउ
११ चैत,रामेछाप । ११ वर्ष अगाडि घरको ढोका फोरेर चोरी गरि फरार रहेका एक अभियुक्तलाई जिल्ला प्रहरी कार्यालय रामेछापले बिहिबार पक्राउ गरेको छ ।
पक्राउ पर्नेमा रामेछापको रामेछाप नगरपालिका वडा नं ७ सुकाजोर बस्ने श्याम कुमार खड्का रहेका छन् । उनले घरको मूलढोका फोरेर चोरी गरेका थिए ।
गत २०६७ पुष १९ गते चोरी गरेर १ महिना ४ दिन कैद र नगद ५२ हजार ५ सय रुपैयाँ जरिवाना तोकिएको थियो ।
उनलाई बिहिबार रामेछाप नगरपालिका वडा नं ७ सुकाजोर धिपिडाँडाबाट पक्राउ गरी शुक्रबार आज जिल्ला अदालत रामेछापमा बुझाइएको जिल्ला प्रहरी कार्यालय रामेछापले जानकारी दिएको छ।