ओख्रेनीको वडा अध्यक्षमा कांग्रेसले युवालाई चुन्योः राजेश तामाङ्लाई उम्मेद्वार बनाउने निर्णय
२१ चैत, रामेछाप । रामेछापको रामेछाप नगरपालिका वडा नं ६ ओख्रेनीमा नेपाली कांग्रेसले आफ्नो पार्टीको उम्मेद्वार सर्वसहमतिम टुङ्गो लगाएको छ ।
आइतबार बसेको वडा कार्यसमितिको बैठकले वडाबाट युवा नेता राजेश तामाङ्लाई वडा अध्यक्षको उम्मेद्वार बाउने निर्णय गरेको बैठकपछि जारी निर्णयमा उल्लेख गरिएको छ । उनी कार्यकर्तामाझ निकै लोकप्रिय छन् ।
कांग्रेस ओख्रेनीको वडा कार्यसमिति बैठक, तस्विर लालबहादुर तामाङ् ।
त्यस्तै वडाले खुल्ला, दलितसहित सबै पदबाट उठने उम्मेद्वार पनि टुङ्गो लगाएको निर्णयमा लेखिएको छ । जसमा खड्ग बहादुर मगर,शर्मिला बिक, गंगाराम तामाङ र सबिना मोक्तानलाई उम्मेद्वार बनाउने निर्णय गरेको हो ।
त्यस्तै कांग्रेसले नगरपालिकामा नगरप्रमुख र उपप्रमुखमा उम्मेद्वार बन्नेहरु नाम पनि सिफारिस गरेको छ ।
वडा कार्यसमितिले वडाका पार्टी सभापति समेत रहेका तामाङ्लाई अध्यक्ष उठ्ने दिने निर्णय गरेको हो । ओख्रेनीमा ०७४ मा नेकपा एमालेबाट धनबहादुर खड्का निर्वाचित भएका थिए ।
वडामा कांग्रेसले एमाले नेतृत्वले काम गर्न नसकेको भन्दै आलोचना गर्दै आएको छ । वडामा भ्रष्टचार बढेको, विकास निर्माणमा पछि परेको, सडक, खानेपानी, कुलो, कृषि क्षेत्रसहिको सम्भावना हुदाँ हुदै पनि काम गर्न नसकेको कांग्रेसको ठहर छ ।