उमाकुण्ड गाउँपालिकामा आजदेखि सबै बिद्यालय बन्द
१४ वैशाख, मन्थली । रामेछाप जिल्लामा भौतिक रुपमा उपस्थित् भएर हुने पठनपाठन बन्द गर्ने क्रम बढेको छ ।
स्थानीय तहहरुले सूचना प्रकाशन गर्दै भौतिक रुपमा हुने पठनपाठन् बन्द गर्न थालेका हुन् । विश्वभरी माहामरीको रुपमा फैलिएको कोरोना भाइरस संक्रमण दिनानू दिन बढ्न थालेपछि जिल्लाका स्थानीय तहहरुले बिद्यालय बन्द गर्न थालेका हुन् ।
आजमात्रै जिल्लाका दुई गाउँपालिकाले सूचना प्रकाशित् गर्दै अर्को सूचना जारी नहुँदा सम्मको लागि भौतिक रुपमा हुने पठनपाठन् बन्द गरेका छन् ।
जिल्लाको सुनापति गाउँपालिकामा सोमबार गाउँ शिक्षा समितिको बैठक बसी आजदेखि लागू हुने गरि भौतिक रुपमा हुने पठनपाठन बन्द गरेको छ ।
त्यस्तै उमाकुण्ड गाउँपालिकाले पनि पालिकाभित्रका सबै सामुदायिक तथा संस्थागत् बिद्यालयमा भौतिक रुपमा पठनपाठन् बन्द गरेको सूचनामार्फत जानकारी दिएको छ ।
गाउँपालिकाले वार्षिक परीक्षा सम्बन्धमा भोली बुधबार बस्ने गाउँपालिका स्तरीय परीक्षा समितिको बैठले निर्णय गर्ने तयारी रहेको जनाएको छ। त्यहाँ पालिकाले वार्षिक परीक्षाको तालिका भने यसअघिनै प्रकाशित गरिसकेको छ ।
सूचना हेर्नुहोस्