शैचालयमा चिप्लिएर लड्दा काठमाडौंमा रामेछापकी एक महिलाको ज्यान गयो
सांकेतिक तस्विर ।
२९ जेठ, रामेछाप । शैचालयमा चिप्लिएर लड्दा काठमाडौंमा रामेछापकी एक महिलाको ज्यान गएको छ । ज्यान गुमाउनेमा जिल्लाको उमाकुण्ड गाउँपालिका वडा नं ५ प्रितीकि सुशिला खड्का रहेकी छन् ।
उमाकुण्ड स्थायी घर भएकी ४९ वर्षीय खड्का काठमाडौंको र्गोकर्णेश्वर नगरपालिकाको वडा नम्बर ४ मा जग्गा भाडामा लिई टहरामा बस्दै आएकी थिइन् ।
उनको गएराति टहरोमै रहेको शौचालयमा लडेर बेहोस भएकी हुँदा उपचारको लागि लैजादै गर्दा बाटैमा ज्यान गएको प्रहरीले जनाएको छ ।
उनलाई नेपाल मेडिकल कलेज अत्तरखेल अस्पताल लैजाँदै गर्दा बाटोमै मृत्यु भएको प्रहरीले जनाएको छ ।
उनको शव मेडिकल कलेजमा पोष्ट माटम गर्ने तयारी भैरहेको प्रहरी वृत्त बौद्धले जनाएको छ ।