कांग्रेस उपसभापति गुरुङ सवार गाडी रामेछापको गोगनेमा दुर्घटनाबाट जोगियो
१६ असार, रामेछाप । नेपाली कांग्रेसका केन्द्रीय उपसभापति धनराज गुरुङ् सवार स्कर्पियो गाडी रामेछापमा ठूलो दर्घटनाबाट जोगिएको छ ।
केही दिनदेखि रामेछापको रामेछाप नगरपालिकाका विभिन्न स्थानमा भेटघाट एंम घुम्घाममा व्यस्त रहेक गुरुङ् सवार स्कर्पियो बिहिबार आज बिहाना रामेछाप नगरपालिका वडा नं १ गोगनेपानी सडकबाट अचानक चिप्लिएर केही तल पुगेको उपासभापति गुरुङ्ले जानकारी दिए ।
बा १९ च १८३९ नम्बरको स्कर्पियो सडक किनाराबाट तल गएको र अगाडि ढुङ्गो ओत लागेकाले दुर्घटनाबाट जोगिएको गुरुङ्ले सामाजिक संजालमा लेखेका छन् ।
केही दिन यता गुरुङ् रामेछाप नगरपालिकाका विभिन्न स्थानको अवलोकन गर्दै कांग्रेस नेताहरुसंग भेटघाट गर्दै आएका थिए । गाडी दुर्घटनामा परेपनि सबै सकुशल रहेको गुरुङ्ले बताएका छन् ।