डाका मुद्दामा २ वर्षदेखि फरार रहेका लिखुतामाकोशीका तामाङ देवकोटा चोकबाट पक्राउ
सांकेतिक तस्विर ।
१२ भदौ, रामेछाप । डाका मुद्दामा २ वर्षदेखि फरार रहेका लिखुतामाकोशीका एकलाई प्रहरीले मन्थली देवकोटा चोकबाट पक्राउ गरेको छ । पक्राउ पर्नेमा पालिकाको वडा नं ५ तिलपुङडाडा बस्ने २३ वर्षीय भक्तबहादुर तामाङ हुन् ।
मन्जु तामाङले उनी बिरुद्ध जाहेरी दिएपछि जिल्ला अदालत रामेछापबाट २०७७ चैत ३० गते ६ वर्ष ११ महिना २० दिन कैद र ७० हजार रुपैया जरिवाना फैसला भएको थियो ।
त्यस लगत्तै उनी फरार रहेका थिए । सोही तामाङ्लाई शनिबार प्रहरी नीरिक्षक जटाशंकर यादबको टोलीले सदरमुकाम मन्थली स्थित देवकोटाचोकमा हिड्दै गरेको अवस्थामा पक्राउ गरेको जिल्ला प्रहरी कार्यालय रामेछापले जनाएको छ ।
पक्राउ परेका तामाङलाई (जिप्रका) मा लागि आइतबार जिल्ला अदालत पेश गरिएको सूचना अधिकारी राजुप्रसाद् ढकालले जानकारी दिए ।