मन्थलीका ६६ वर्षीय पुरुषको कोरोनाबाट निधन, दोरम्बामा १४ जना संक्रमित थपिए
०५ जेठ, रामेछाप । कोरोना संक्रमणबाट आज रामेछापमा थप एक जनाको ज्यान गएको छ ।
बुधबार मन्थली १ का ६६ वर्षीय पुरुषको संक्रमणका कारण निधन भएको जिल्ला अस्पताल रामेछापले प्रेस विज्ञप्ति मार्फत जनाएको छ । योसंगै जिल्ला कोरोनाका कारण ज्यान गुमाउनेको संख्या ३ पुगेको छ ।
लामो समय धुलिखेल अस्पतालमा उपचार गराएर डिस्चार्ज भएका उनलाई समस्या भएपछि मंगलबार तामाकोसी अस्पताल भर्ना भएका उनको आज निधन भएको जिल्ला अस्पतालले विज्ञप्तिमा उल्लेख गरेको छ ।
त्यस्तै आज दोरम्बामा १४ जना संक्रमित थपिएका छन् ।
५२ जनाको स्वाब पठाइएकोमा १४ जनाको रिपोर्ट पोजेटिभ आएको हो । ११ जनाको पिसिआर र ३ जनाको एन्टिजेन्ट पद्धतिबाट गरिएको परिक्षणमा संक्रमित थपिएको विज्ञप्तिमा उल्लेख छ ।
विज्ञप्ति अनुसार २०४ जनाको रिपोर्ट आउन बाँकि छ ।
जिल्लामा आठ वटा स्थानीय तहमा गरि ३ सय ५८ जना संक्रिय संक्रमित रहेका छन् । भने हाल सम्म १ सय ४५ जना निको भएर घर फर्किएका छन् ।
बुधबार सम्ममा ६० बेड्को क्वारेन्टिन् तयार पारिएको छ ।
त्यस्तै १४० बेड्को आइसोलेसन कक्ष तयार पारिएको विज्ञप्तिमा उल्लेख छ ।
आज १० जना आइसोलेसनबाट डिस्चार्ज भएका छन् । भने ३५५ जना होम तथा संस्थागत् आइसोलेसनमा रहेका छन् ।
त्यस्तै तीन जना आइसियूमा उपचार गराई रहेका छन् ।
यस्तो छ विवरण हेर्नुहोस्