सुन्द्रावतीमा आगोलागी हुदा गोठसहित दुई वटा घर जले
संकेतिक फाइल
बैशाख १, दोलखा : दोलखाको कालिञ्चोक गाउँपालिका वडा नम्बर ९ सुन्द्रवतीका आगलागी पिडितलाई गाउँपालिकाले राहत सामग्री वितरण गरेको छ ।
वडा नम्बर ९ सुन्द्रवतीका आगलागी पिडित पर्वत अधिकारीको परिवारलाई गाउँपालिकाले राहत सामग्री वितरण गरेको हो । पालिकाले तत्काललाई बस्नका लागि पाल सहित खाद्यन्न सामग्री, ग्याँस चुलो, लत्तकपडा वितरण गरेको गाउँपालिकाकी उपाध्यक्ष कालिका पाठकले जानकारी दिए ।
कालिञ्चोक गाउँपालिका वडा नम्बर ९ सुन्द्रवतीमा बुधबार दिउँसो करिब साँढे ११ बजेतिर पर्वतको गोठ सहित दुईवटा घरमा आगलागी भएको थियो । आगलागीमा परि एउटा गोठ सहित दुईवटा घर जलेर पुर्णरुपमा नष्ट भएको छ ।
आगलागीमा परि गोठमा रहेका माउ बाछो सहित दुईवटा गाई मरेका छन् भने दिउँसोको समय भएकाले कुनै मानवीय क्षति भएको छैन् ।
