भोलि देखि बालबालिकालाई भिटामिन ‘ए’ र जुवाको औषधि खुवाइने
फाइल फोटो ।
५ वैशाख, रामेछाप । रामेछाप सहित देश व्यापी रूपमा भोलि बुधवार देखि भिटामिन ‘ए’, जुकाको औषधि खुवाइने भएको छ ।
वैशाख ६ र ७ गते ६ महिना देखि ५९ महिना सम्मका बालबालिकाहरूलाई राष्ट्रव्यापी रूपमा भिटामिन ‘ए’, १२ महिना देखि ५९ महिनाका बालबालिकाहरूलाई जुकाको औषधि र ६ देखि २३ महिनाका बालबालिकाहरूलाई बालभिट्टा खुवाइने मन्थली नगरपालिकाले जनाएको छ ।
नगरपालिकाले एक सूचना जारी गर्दै उक्त औषधि खुवाउन लागेको जनाएको हो । सरकारले बालबालिकालाई यो औषधि खुवाउँदै आएको छ ।
मन्थली नगरपालिकाले भिटामिन र जुकाको औषधि सम्बन्धित नगरका स्वास्थ्यकर्मी र स्वास्थ्य स्वयं सेविकाले तोकिएको ठाउँमा गएर खुवाने जनाएको छ।