कैद र जरिवानाको फैसला पछि फरार २ अभियुक्त मन्थली र रामेछापबाट पक्राउ
२ जेठ, रामेछाप । जबरजस्ती करणी र कुटपिट मुद्दामा कैद फैसला गरिएका दुई जना फरार अभियुक्त पक्राउ परेका छन् । पक्राउ पर्नेमा लिखु तामाकोशी गाउँपालिका वडा नं ३ बस्ने ४९ वर्षीय सिंगबहादुर बि.क र रामेछाप नगरपालिका वडा नं ५ रामपुर बस्ने ३२ वर्षीय दिपकुमार तामाङ रहेका छन् ।
जबरजस्ती करणी मुद्दामा बि.कलाई जिल्ला अदालत रामेछापले ३ वर्ष ५ महिना ७ दिन कैद र १ लाख जरिवाना फैसला गरेको थियो ।
त्यस्तै कुटपिट मुद्दामा तामाङलाई ५ महिना ३ दिन कैद र ५ हजार जरिवाना फैसला गरेको थियो । त्यसपछि फरार भएका बि.क सोमबार मन्थली १ स्थित देवकोटा चोकबाट र तामाङ रामेछाप नगरपालिकाकै वडा नं ८ रामेछाप डाँडाबाट पक्रा परेको जिल्ला प्रहरी कार्यालय रामेछापले जनाएको छ ।
पक्राउ परेका दुवै जनालाई जिल्ला अदालत रामेछापमा पेस गरी रामेछाप कारागारमा चलान गरिएको प्रहरी निरीक्षक एवं सूचना अधिकारी राजु प्रसाद ढकालले जानकारी दिए ।