रामेछाप प्रहरीले स्थानीय तहहरूसँगको सहकार्यमा खिम्ती र सित्खापुलमा गाडीको नम्बर क्याप्चर गर्न सक्ने सिसिटिभी जडान गर्यो
खिम्ती प्रहरी चेक पोस्टमा सिसिटिभी जडान गरिँदै
२८ असार, रामेछाप । जिल्ला प्रहरी कार्यालय (जिप्रका) रामेछाप यहाँका स्थानीय सरकारसँग समन्वय र सहकार्य गरेर शान्ति सुरक्षालाई थप मजबुद् बनाउन लागि परेको छ । त्यसको लागि (जिप्रका) ले स्थानीय तहहरूसँग सहकार्य गरेर आधुनिक प्रविधिको प्रयोग बढाउँदै मुख्य बजार र नाकाहरूमा सिसिटिभी जडान गर्न थालेको जिप्रकाले जनाएको छ । यसले त्यहाँ घट्ने घटनालाई न्यूनिकरण गर्न मद्दत पुग्ने छ ।
सोही कार्यक्रम अन्तरगत जिप्रकाले लिखु तामाकोशी गाउँपालिका र खाँडादेवी गाउँपालिकासँगको सहयोगमा यी दुई पालिकाका मुख्य बजार र प्रवेश नाकामा सिसिटिभी जडान गरेको जानकारी दिएको छ ।
लिखु तामाकोशी गाउँपालिका वडा नं ६, खिम्ती बजारका विभिन्न स्थानहरूमा यही गएको १७ गते ६ थान र खाँडादेवी गाउँपालिका वडा नं ३ को सित्खापुलमा ८ गते १ थान सवारीको नम्बर क्याप्चर गर्न सक्ने सिसिटिभी जडान गरिएको जिप्रका रामेछापका सूचना अधिकारी दिलीपकुमार थापाले जानकारी दिए ।
तस्बिर स्रोत जिप्रका रामेछापको पेज
