ब्रेक फेल भएर सुमो दुर्घटना हुदा तीन जना घाइते, १२ जना सवार
फाइल फोटो
२९ जेठ, रामेछाप । सोलु दुधकुण्ड नगरपालिका ११ बेलीडाँडामा टाटा सुमो जिप दुर्घटनामा परेको छ ।
रमिते बाट पत्तले जाँदै गरेको ना १ ज ५५८९ नम्बरको टाटा सुमो बेलिडाडामा दुर्घटना परेको सोलु प्रहरीले जनाएको छ । दुर्घटनामा ३ जना गम्भिर घाइते भएका छन् ।
घाइते हुनेहरुमा वडा नम्बर–११ तिङलाका ४० वर्षीय सुनिल थापा मगर, ३२ वर्षीया लक्ष्मी मगर र २६ वर्षीया कोपीला मगर छन । उनीहरुको टाउको छाती र निधारमा चोट लागेकाले उपचारका लागि मिसन अस्पताल ओखलढुङगा पठाइएको ट्राफिक प्रहरी इन्चार्ज कृष्ण कटुवालले जानकारी दिए ।
आज दिउँसो ४ बजे सुमो दुर्घटनामा परेको हो । सुमोमा १२ जना सवार रहेको बताइएको छ ।
प्रहरीका अनुसार सुमो ब्रेक फेल भएर दुर्घटनामा परेको थियो । सुमो सडकबाट अन्दाजी १५ मिटर तल बारीको पाटामा खसेको छ ।
