नेपाल लोकतन्त्रवादी आदिवासी जनजाति महासंघ रामेछाप नगरपालिकाको अध्यक्षमा पाख्रिन सर्व सहमत
२६ फागुन, रामेछाप । नेपाल लोकतन्त्रवादी आदिवासी जनजाति महासंघ रामेछाप नगरपालिकाको अध्यक्षमा दबिन्द्र कुमार पाख्रिन चयन भएका छन् । उनको अध्यक्षतामा २२ सदस्यीय नगर समिति सर्व सहमतिले चयन भएको हो ।
शनिवार नगरपालिकामा भएको प्रथम सम्मेलनले सर्वसम्मत रूपमा पाख्रिनलाई अध्यक्षमा चयन गरेको नेपाली काँग्रेस रामेछापका उपसभापति लेखबहादुर कार्कीले रामेछाप टाइम्सलाई बताए ।
नेपाली काँग्रेसको भातृ संगठन नेपाल लोकतन्त्रवादी आदिवासी जनजाति महासंघ नगरको उपाध्यक्षमा श्रेष्ठ र रेणुका श्रेष्ठ (तामाङ) चयन भएका छन् ।
त्यस्तै सचिवमा यमबहादुर श्रेष्ठ, महिला सचिवमा अर्मिला साही, सहसचिवमा लीला मगर र केसर थापा मगर चयन भएका हुन् ।
कोषाध्यक्षमा हिमाल भुजेलले जिम्मेवारी पाएका छन् ।
