सामुदायिक लघुवित्तले खाँडादेवीमा ज्येष्ठ सदस्यहरूलाई सम्मान गर्दै वित्तीय साक्षरता कार्यक्रम गर्यो
१३ वैशाख, रामेछाप । सामुदायिक लघुवित्त वित्तीय संस्था शाखा कार्यालय गाल्पाले खाँडादेवी गाउँपालिकामा वित्तीय साक्षरता कार्यक्रम गरेको छ । बुधवार पालिकाको केन्द्रमा एक कार्यक्रमको आयोजना गरी पालिकाभित्रका स्थानीयहरूलाई सचेतना गराएको शाखा कार्यालय प्रमुख प्रेम बिकले रामेछाप टाइम्सलाई जानकारी गराए ।
उनका अनुसार ९६ केन्द्र प्रमुख कुसुम तामाङको सभापतित्वमा भएको कार्यक्रममा खाँडादेवी गाउँपालिकाकी उपाध्यक्ष रमा घिसिङको पनि उपस्थिति रहेको थियो । केन्द्रीय कार्यालय संचालन तथा अनुगमन विभागका अधिकृत मिलन महर्जन र क्षेत्रीय अनुगमन कार्यालयबाट लोकराज भट्ट लगायतले सचेतना गराएका थिए ।
पछिल्लो समय खाँडादेवी, दोरम्बा शैलुङ र सुनापतिका विभिन्न वडा वडामा पुगेर लघुवित्तले सचेतना मूलक कार्यक्रम गर्दै आएको छ ।
साथै सोही कार्यक्रमको अवसरमा तीन जना ज्येष्ठ सदस्यहरूलाई सम्मान पनि गरेको छ ।
