मन्थलीमा स्कुटर दुर्घटनामा परी एक महिलाको ज्यान गयो
फाइल फोटो ।
१७ वैशाख, रामेछाप । रामेछापको मन्थलीमा स्कुटर दुर्घटनामा परी एक महिलाको ज्यान गएको छ ।
ज्यान गुमाउनेमा स्कुटर चालक मन्थली नगरपालिका वडा नं १ की ३५ वर्षीय सरस्वती माझी रहेको जिल्ला प्रहरी कार्यालय रामेछापले जनाएको हो ।
शनिवार राति गम्भीर स्कुटर दुर्घटनामा परेकी माझीको मन्थली अस्पतालमा उपचारको क्रममा ज्यान गएको प्रहरीले बताएको हो । दुर्घटनामा परेकी उनको तत्काल उद्दार गरी मन्थली अस्पताल लगिएको थियो ।
मन्थलीबाट तीनलाल पार्कतर्फ जाने क्रममा माझी सवार बा ७२ प ९१७२ नम्बरको स्कुटर अनियन्त्रित भई सडकमा पल्टिएको बुझिएको छ ।
