धुलिखेलको पुण्यमाता खोलाले बगाउँदा रामेछाप भिरपानीकी एक महिलाको ज्यान गयो
मृत महिलाको शव बाढीबाट निकालिदै, तस्बिर स्राेत सामाजिक संजाल ।
२२ साउन, रामेछाप । काभ्रेपलाञ्चोकको धुलिखेल नगरपालिका–५ पुण्यमाता खोलामा आएको बाढीले बगाएर रामेछापकी एक महिलाको ज्यान गएको छ ।
त्यहाँको प्रहरीका अनुसार बाढीले बगाएर रामेछापको खाँडादेवी गाउँपालिका–३ भिरपानी घर भई पनौती नगरपालिका–५ नैकिन्टार बस्ने ५० वर्षीय भगवती भागदासको ज्यान गएको हो ।
भागदासलाई श्रीखण्डपुरको खोलाले बगाउँदा झन्डै तीन सय मिटर तल मंगलबार (आज) बिहान मृत अवस्थामा फेला पारिएको हो ।
उनी केही समयता पनौतिमा डेरागरी बस्दै आएको बुझिएको छ ।
