१७ माघ, रामेछाप । रामेछापको लिखु तामाकोशी गाउँपालिका वडा नं ७ तिल्पुङ् खोलाबाट घाइते चितुवाको उद्दार गरिएको छ। स्थानीय र प्रहरीको प्रयासबाट चितुवाको उद्दार गरिएको खिम्तीका प्रहरी सहायक निरीक्षक सीताराम सुवेदीले रामेछाप टाइम्सलाई जानकारी दिए । 

उनका अनुसार बुधवार तिल्पुङ् खोलामा दुई वटा चितुवा जुधेर घाइते अवस्थामा स्थानीयले देखेपछि एउटा चितुवालाई देखेपछि स्थानीयले प्रहरीलाई खबर गरेका थिए । सोही अनुसार उद्दार टोलीसहित पुगेको टोलीले बिहीबार घाइते चितुवाको उपचार गराएर डिभिजन वन कार्यालय मन्थली तर्फ पठाएको सहायक प्रहरी निरीक्षक सुवेदीले बताए । 

पछिल्लो समय रामेछापका विभिन्न स्थानमा जंगली चितुवा र बाघ देखिन थालेका छन् । साँझ बिहान चितुवा र बाघको त्रासले स्थानीयहरू समेत त्रसित छन् ।